| 2009年還有20多天即將完結, 步向2010年, 自己的年齡逐漸年長, 經歷增長, 看法多了, 想法都多了...看似什麼都像增多了.. 但還有一樣, 我都是增多的... 就是我的幸運!! 我小時候, 成長一直都不開心, 覺得自己長得不夠別人俊俏, 總是做被人忽略的那個, 小時候, 因為媽媽40歲才生我, 每一個人都說我長得很像馬騮, 以為我是智障的, 隔離鄰舍的大姐姐都帶一群街坊的小朋友去街玩, 看電影, 去太空館, 我眼見他們去玩, 我自己一個留在家; 看見爸爸在賭馬, 哥哥姐姐比我大很多, 跟他們溝通得很少, 我小時候, 他們已經有parttime, 回來常常吵架, 自己唸書成績又不好... 媽媽在當小販, 早出晚歸, 她很辛勤每天的工作, 她自己就教我, 人要靠自己雙手去生活, 要勤力, 所以我從少都不敢去學壞, 只是做一個很稱職乖乖的街童~周街跟別的小朋友玩捉迷藏...所以我自少練出一雙跑腿功~ 當我4年級那一年, 媽媽買了她人生的第一個物業, 當時, 我記得, 每次我跟哥哥吵架時, 他就會說: "我有份比家用,呢層樓我有份的! 你只是在做菠羅雞!!!" 自此, 我就覺得媽媽好叻 : "做人都係靠自己好! 靠自己能力不用看人面色" , 因此, 到現在, 我都覺得, 我不應住在那裡, 因為我沒有份的~ haha.. 所以, 我會努力為自己而生.... 我媽媽對我來說, 她是一個比男人還堅強的人, 以前我老爸輸錢後找她來罵, 我做仔的頑皮, 去文具店偷東西, 激得她半死, 她只會沒脾氣的忍著......但原來, 鐵娘子背後, 總有跌底的時候... 我好記得, 有一天早上, 我媽在門口掠衫時, 我一直在逗媽媽聊天, 她一聲不響, 沒有回答, 然後慢慢蹲下就哭啦.. 那個情景, 真的把我嚇傻啦... 我慢慢的起過去很大力的抱著她...:"媽, 你做咩喊呀? 我好驚呀, 你做咩喊呀, 我係度陪你啊, 唔好喊啦?" (因為我咁大個, 就算佢點樣比老豆蝦佢, 我地點激佢, 佢都唔會咁) 佢當時喊得好淒涼, 兩行大大粒既眼看不停咁流... 佢話 " 我9歲一個人黎香港做人妹仔(童工)...每一個月寄晒d錢返鄉下比阿婆, 佢而家就黎死啦...我呢生人, 最錫我果個就係阿婆, 我好掛住佢..." 果一日, 我身上的血, 就好似同我阿媽d血 sync 埋左咁...(呢個可能係我心目對佢既一個 anchor) 以前, 由我一年級到中學時代, 我老豆好有搵錢能力, 但係, 我既衫呀, 我既校服呀, 就永遠都係同其他同學有d唔同 (因為我阿媽為左省錢, 一定係買定好大件既校褸, 同其他同學校褸既顏色唔同), 當我中五果一年, 我知道我擁有咁"卓越"既成績, 咩學校都綁唔到我呢d人才, 只有快d跳級去社會大學度貢獻, 點知有一日, 我媽突然7點收檔返屋企, 話要出去同我買校褸喎 (嚇得我呀! d 校服店, 6點就收晒架啦~ ) 我當時已經覺得佢好唔正常, 係架電車上, 佢一直都係無表情, 去到個間灣仔軒尼詩道既校服店門口時, 佢見到關了門就掉頭走上電車, 當時電車唔係好多人, 點知, 一上左車, 1個站到, 佢d眼淚係咁流... 我當時又係好驚, 我問佢: "你做咩呀? 係咪我激親你呀? 你做咩事, 你話我知啦, 好無呀??" (當時成架車d人都望住佢.... 佢都無理人點睇, 望住個街, d眼淚係咁流, 之後佢第一句就話: 你老豆係深圳玩女人, 我都唔知做錯d咩, 日做夜做為左屋企,,..(其實, 我當時係無咩感覺, 因為我同我老豆實情唔係咁熟, 不過, 1年之後, 我係佐敦放工, 係對面街見到自己個老豆攬住第二個女人, 我個心真係好唔舒服, 果時, 我真正知道, 我地要錫阿媽多d....要好好保護佢..).. 之後咁多年, 佢地關係有了不同既變化, 漸漸, 我認知到, 一個家庭對小朋友既關係, 以及慢慢對3個兒女, 都在不知不覺中, 在他們的潛意識產生了一些不際覺的化學作用! 
我承認, 我現在不相信夫妻關係, 甚至情侶關係都不相信, 可能呢d就係泛化現象 (haha), 但自我家姐結左婚之後, 加上我的小外甥出世, 我開始跟我家姐的關係慢慢修好過來....可能有一個小朋友吧.. 自他來到這個世界之後, 我發覺, 在他身上, 我不但看到自己怎樣做人, 我還深深感受到人與人互相影響及作用, 是多麼的深遠. 我亦深深地感受到一個家庭當中的排列, 父母的關係, 是佔著一個非常非常重要的角色, 足以影響下一代的身,心,社會發展.... 最近, 聽到有很多人都說自己不幸, 不開心, 埋怨自己的命運, 埋怨別人對自己不好, 埋怨別人不相信自己, 埋怨別人沒信用, 埋怨家人不諒解自己, 埋怨這樣那樣等 ....我們日常工作壓力已經非常之大, 如果再要迫自己把這些負面資訊完全入腦, 真的自找苦吃嗎??!!!! 不過, 學完 NLP 後, 當我遇到問題時, 有兩個工具, 我非常喜歡..... "因果" & "換框法" 當你埋怨別人時, 請先放下自我主觀, 冷靜問問自己, 在一件事當中, 自己有什麼可以改善, 下次做得更好, 避免錯誤, 才好去問責別人, "你為什麼要這樣對我...??" <<就像女朋友常問男朋友, 我為什麼不是你的第一位??? (當然啦, 我養一隻狗, 它們只會一條心對自己, 回來就搖頭擺尾歡迎自己, 女朋友就永遠有彈無讚, 雙方相處都沒有存在相當價值, 不如做電車男好過啦~電車男都有架電腦安撫下, 打下機有 point都有人讚下嘛) 雖然如此, 仍有很多人都在為自己理想的夢在發夢~不要以為自己是最聰明, 可以騙全世界. 其實, 人是有電波溝通的...大話=事實不會是一世的... 有人說: "我自少就不開心, 沒有美好童年" << 沒有以前, 怎會知道現在開心呢? 如果你只是在想 "不開心" 你一世都不會感受到開心的感覺是怎樣... "我不好運" << 如果下一次又係唔好運, 那前一次是不是"好運"呢?? 如果我們 focus 在看我們沒有的東西, 那就對我們已擁有的幸福, 太不公平了~ "我最愛的人就是傷得我最深的那個人" << 如果到你死果一刻, 你話, "我一生都沒有一個愛過我的人" 那你會選擇做前者定後者?? 有一些人, 很喜歡跟 "以前" 談戀愛, 不肯放手, 那個"以前" 小姐會一直跟著你... 直到你自己自願放開,放手, 你才會可以完全感受"未來"的擁抱... 所以, 我這一年, 最大的進步是 "放過自己, 給自己釋懷, 給自己平衡" 我記得, NLP有一句說話, 我身邊有很多同學都常常說笑的掛在口邊 "效果比道理更重要" << 這一點我同意, 更要留意的是, 要取一個很好的整體平衡才可以運行這個信念, 有很多人, 他們覺得只要有效果, 中間什麼過程都可以變得不再重要, 但如果你想要一筆錢 (效果), 可以沒有"道理"嗎??... 可以去打架刧社嗎? 殺人放火, 而不用去量度一下整體平衡才去得到道理嗎?? >> 所以, "效果比道理更重要" 是指更重要, 不是說道理不重要... 所以, 在 "生命之輪" 的遊戲當中, 用了"以前"及"未來", 可以更清楚了解知道, 平衡身邊的資源, 那樣原來才是最重要, 當你沒有最親的家人, 你有100億有用嗎? 沒有身邊的朋友相信你, 你有10000個朋友又如何??? 沒有跟家人的關係, 就算你拼命工作, 子女長大後, 你會後悔錯過了他們的成長我每一個階段嗎??? 所以, ...請珍惜自己生命戶口及信用戶口吧!!! 昨晚發夢, Dr. Chow 問我, "Dennis, 你覺得你人生走到這里, 你幸運嗎?" 之前, 我什麼都會就不知道, 但我昨晚說: "我的人生非常非常非常非常幸福, 非常幸運, 我有一個我最愛她, 她又很錫我的母親, 就算有一天她走到人生的盡頭, 我希望一百世, 一千世, 就算我係乞兒, 就算住係非洲, 我都願意繼續做她的子兒, 因為她永遠都是我的全部!" "我的人生非常非常非常之幸福, 因為我朋友不多, 但對我好既朋友, 關心我既朋友, 幫助我既貴人, 好多好多, 我好珍惜佢地...最勁就係, 以前同我唔夾既人, 佢地會慢慢自己遠離我而去, 好既朋友, 就越來越 close, 非常開心!! 今年, 學左 NLP 之後, 我更加認識到一大班好叻好好既同學, 我個心態都變得好開心...我更懂得為自己去選擇及下決定.... 我的人生非常非常幸運!! 因為有Chew Yan, Vincent, Florence, Berenice, Feline, ar E, Joyce, Dicky, Donald, RosaBella, Anna, Jackie, Eric , etc. 合作過既時間, 係一個好正好正的經歷!!!! 我的人生非常幸運!! 因為我可以見過好多好利害, 好叻, 好聰明, 甚至好奸既人, 我都係佢地身上學到好多野, 睇到好多野~ 其實, 我好少對人說, 雖然我老豆已經唔係度就黎2年, 但係, 其實我係好掛住佢, 雖然可能佢有佢既過往, 對我地有d影響, 但其實我好後悔, 係我做野咁多年, 我好少去用心真正了解過佢, 好少同佢溝通過, 呢個可能係我人生中一個遺憾... 如果我有得去揀過, 我會選擇對佢再好d...因為我而家更加了解到, 就算我老豆對我有幾大影響, 我相信佢, 都唔會想睇住我去死... 有時, 眼看未為真, 用心去感受才有更多的領會....老豆, 我會好好做你未做完既野... ^^" 所以, 回想2009年, 還有大半個月, 我想我會越黎越好, 越黎越開心...去台灣開開心心, 同時作好每一個決定. |
